Біздің әлеуметтік желідегі парақшаларымыз

Басшылық

Институт құрамы
Искакова Лаура Тұрлыбекқызы
Институт директоры

Педагогика ғылымдарының докторы, профессор

8 (7252) 32-32-40

znt_shm@mail.ru

Л

аура Тұрлыбекқызы — «Өрлеу» БАҰО» АҚФ Түркістан облысы және Шымкент қаласы бойынша ПҚБАИ директоры, педагогика ғылымдарының докторы, профессор.

Искакова Л.Т. педагогика ғылымдары саласында белгілі ғалым және жоғары мектептің тәжірибелі ұйымдастырушысы ретінде жоғары мектептегі білім беру  және ғылыми әдістемелік үдерісті  ұйымдастыруда салмақты тәжірибе жинаған, білім беру ұйымдарын басқарудың заманауи тәсілдерін толық меңгерген. Білім беру мен ғылым саласында еңбек өтілі — 24 жыл.

1997 жылы «Білім беру және тәрбие теориясы мен әдістемесі (математика)» мамандығы бойынша кандидаттық диссертация, 2006 жылы докторлық диссертация қорғады. 2009 жылы Л.Т. Искаковаға «Педагогика» мамандығы бойынша профессор ғылыми атағы берілді.

Искакова Л.Т. ОҚО білім беру жүйесінің аймақтық құрылымдарының тығыз ықпалдасуын қамтамасыз етуге, мектепке дейінгі және бастауыш сыныпта оқытудың әдістемесін жетілдірудің ғылыми бағыттылығын дамытуға елеулі үлес қосты, ол өз кезегінде білім беру жүйесінің сапасын  және оқушылардың сауаттылығын арттыруға ықпал етті.

Лаура Тұрлыбекқызының бастамасымен «Өрлеу» БАҰО» АҚ филиалында  құзыреттілік тәсілге негізделген мұғалімдердің біліктілігін арттырудың заманауи модульдік бағдарламалары дайындалды. Педагогикалық қызметкерлердің біліктілігін арттыру курстарын ұйымдастыру мен әдістемелік қамтамасыз етудің жоғары деңгейі «Өрлеу» БАҰО» АҚ филиалына республикадағы жетекші институттың бірі болуына және Түркістан облысы және Шымкент қ. білім беру жүйесінің ғылыми және кадрлық әлеуетінің дамуын қамтамасыз етуге мүмкіндік берді. Мекеменің директоры лауазымында  Қазақстанның Оңтүстік аймағының  білім беру жүйесін зерттеу, орта мектепте  білім беру сапасын арттыру мәселелері, мұғалімдер корпусының педагогикалық дағдыларын жетілдіру  бойынша айтарлықтай зерттеу жұмыстары жүргізілді. Ол өзін педагогикалық білім берудің өзекті мәселелері бойынша зерттеу қызметін іске асырушы білім беру ұйымының білікті басшысы ретінде көрсете білді. Оның 150-ден астам ғылыми  жұмыстары жарияланды, оның ішінде оқулықтар, монографиялар, оқу құралдары бар.

2015 жылдан «Инновационные проекты и программы в образовании» журналының редакциялық кеңесінің мүшесі.

Л.Т.Искакованың жүргізіп отырған жұмыстарының нәтижесінде Оңтүстік Қазақстан облысының педагогикалық кадрларын даярлау мен қайта даярлау сапасы жаңа деңгейге көтерілді, бұл Оңтүстік Қазақстанның ғылыми және зияткерлік әлеуетінің дамуына себеп болды. Кәсіби даму бағдарламасына (Сингапур) және «АҚШ және Еуропадағы қолданбалы ғылымдар мен технологиялар» бағдарламасына (АҚШ) қатысу барысында ол халықаралық білім беру жүйесінің озық  даму тәжірибелерімен танысып, зерттеді.

Кәсіби және ғылыми қызметтегі жоғары жетістіктері үшін Л.Т.Искакова «Қазақстан Республикасының білім беру ісінің құрметті қызметкері» және   «Ы. Алтынсарин» төсбелгілерімен, ҚР Білім және ғылым министрлігінің, «Өрлеу» БАҰО» АҚ басқармасының грамоталарымен марапатталған.  «ЖОО үздік оқытушысы» мемлекеттік грантының жеңімпазы, Еуропалық ғылыми-өндірістік консорциумының «Еуропалық сапа» алтын медалімен марапатталған.

Искакова Л.Т. «Ученые Казахстана» энциклопедиясына енгізілген.

Искакова Л.Т. жоғары мектеп пен педагогикалық ғылым саласының тәжірибелі ұйымдастырушысы болып табылады. Оның кәсіби қызметі білім беру, жас ұрпақты тәрбиелеу саласындағы мемлекеттік бағдарламаларды іске асыруға бағытталған. Л.Т.Искакованың кәсіби сапалары, ұйымдастырушылық және педагогикалық қызметінің айтарлықтай тәжірибесі  оған Қазақстан Республикасы білім беру жүйесін жетілдіруге және қазақстандық педагогтердің жаңа буынын қалыптастыруда елеулі үлес қосуға мүмкіндік береді.

 

Ергешбаева Шынар Нәлқожақызы
Директордың оқу-әдістемелік ісі бойынша орынбасары

Педагогика ғылымдарының кандидаты

8 (7252) 32-32-40

znt_shm@mail.ru

Ақтаев Мұхтар Бексұлтанұлы
Директордың ғылыми істер бойынша орынбасары

Техника ғылымдарының кандидаты

8 (7252) 32-32-40

kazakhtaev@mail.ru